挪威弗到震主Ｗ埋丹 夏蘭特削髮明志全力數胡_東方日報

A4組另一場上演「北歐打吡」挪威主場迎戰丹麥，擁有曼城神鋒艾寧夏蘭特助陣嘅挪威正處史上巔峰，包括今屆世盃擊敗巴西勇闖8強，證明已具備一線勁旅實力，配合近12次主場出擊獲得10勝2和嘅強勢，足以輕取丹麥，簡單捧挪威主勝。

（周五凌晨2時45分開賽）

夏蘭特削髮明志全力數胡
挪威近年進入收成期，球隊人才輩出，除咗「入球機器」艾寧夏蘭特、阿仙奴隊長馬田奧迪加特之外，RB萊比錫翼鋒安東尼奧努沙、富咸快翼波普、賓菲加中場舒捷爾達魯普亦有入選，中前場人腳極具級數，所以呢支「北歐海盜」往往主動搶攻，強如巴西都招架唔住。挪威主場出擊，演出更加銳利，近12場主場取得10勝2和，包括上年世盃外大炒意大利3比0，今仗要攻陷丹麥大門，並唔困難。此外，挪威鋒霸艾寧夏蘭特喺社交平台出新貼，表示自己「剪髮後首次剪髮」，似係出發為國家隊征戰前「削髮明志」，準備喺賽場大殺四方！

至於丹麥青黃不接，中場核心基斯甸艾歷臣6月熱身賽再一次因心臟問題倒下，今次冇入選。巴塞隆拿中堅安達斯基斯坦臣因傷缺陣，現時靠前鋒海倫、左翼柏德列多古支撐大局，遇上整體戰出色嘅挪威，預料會陷入劣勢。此外，丹麥近年國際賽成績欠佳，2022年世盃分組賽出局，今屆更加無緣參賽，2024年歐國盃16強止步，恐怕今屆歐國聯亦難有作為。