列斯聯穩陣計素夠細心_東方日報

英超今輪壓軸戲，由列斯聯主場迎戰紐卡素。兩隊開季3輪都保持不敗，鬥心同韌力都有保證，今場對撼勢均力敵，預料戰情緊湊，雙方都唔容易失波，拉鋸味濃，博2.5球嘅入球細好路。（Now 621周二凌晨3時直播）文:工廠仔

列斯聯自從上季尾撻着後，已經逐步確立硬淨風格，就算入球能力唔高，亦唔會輕易被對手擊敗。今季3場聯賽1勝2和，連同上季在內，近12場聯賽只係輸過1場，而且喺艾蘭路球場出擊特別穩陣，近5場聯賽主場只失2球。

紐卡素作客以守為攻
列斯聯今季繼續展現非凡韌力，門將查福特加盟令大門更加穩陣，連上季在內近6場聯賽5次開2球或以下。

紐卡素季前大執位，新帥查斯利上任後繼續以原有人腳為骨幹保持鬥心，開季各項比賽3勝2和不敗，兩場作客分別贏2比0同1比0，今場繼續以守為攻、穩中求勝，入球細值得再追。