亞冠：艾阿里猛攻娛樂大迦_東方日報

亞冠精英盃B組賽事，衞冕嘅沙特職勁旅吉達艾阿里，主場迎戰阿聯酋球隊FC沙迦。吉達艾阿里近期愈戰愈勇，由艾雲東尼領銜嘅鋒線威力巨大，主場出擊必施以強攻。FC沙迦雖然實力有所不及，但貫徹「大無畏」嘅進取踢法，鬥攻之下今場開出3.5球入球大機會高唱入雲。（周二凌晨2時15分開賽）

FC沙迦防線形同虛設
吉達艾阿里喺「紅牛系」嘅德國教練查斯利領導下，踢法都係高位逼搶做進攻，上屆成功稱霸亞洲後，今季勇態持續，頭4輪賽事拎到3勝1和，攻入12球更加係亞冠盃入波最多球隊，近4場亞冠盃有3場總入球達4球或以上，火力驚人。

FC沙迦實力一般，4輪賽事只係拎到4分，共失12球，當中3場畀對手入到3球或以上。再者，佢哋近況亦相當低迷，日前聯賽主場1比4輸畀賓尼耶斯，各項賽事4連敗，合共失咗12球，防線形同虛設。FC沙迦想出線急於搶分，今場亦冇死守本錢，將會同吉達艾阿里駁火，入球大抵玩。