今日下午上演日皇盃4強戰，神戶勝利船硬撼廣島三箭。衞冕嘅勝利船今屆防守行先，三箭撞正剋星亦要小心翼翼，況且兩軍近年碰頭例少交收，2.5球細盤有計。（周日下午2時開賽）文:法達斯維 勝利船爭取日職3連霸夢碎，依家會將集中力放晒喺盃賽，由於今屆攻力下滑，踢法較為偏重防守，單計聯賽36輪僅失31粒。計埋各項賽事，勝利船近7場有5次開2球或以下，加上今仗4強屬一場過淘汰賽，難免會踢得更保守。 兩軍對壘例少交收 另邊廂，三箭早前先喺日聯盃決賽封王，梗係想食住個勢，捧埋日皇盃做國內盃賽雙冠王喇；不過三箭今屆「生波」組織麻麻，預計勝利船會嚴防佢哋擅長嘅死球戰術。翻查紀錄，三箭近年面對勝利船輸多贏少，近7次碰頭，有6次開2球或以下，2.5球入球細捧得過。