英錦標：唐卡巴拉副選出擊大無畏_東方日報

英錦標進行剩餘嘅最後一輪比賽，同大家研究北部C組賽事，唐卡士打主場迎戰巴拉福特。兩軍已經提早出線，今場會派副選同小將上場吸收經驗，防守力肯定下降，加上兩軍近3次交手，全開3球或上，推介中位數2.5/3球嘅入球大。（周三凌晨3時開賽）文:渡邊年

兩軍皆篤定出線
英錦標小組每隊只同對手踢1場，即係每隊只需要踢3場賽事，頭兩隊可以晉級32強。北部C組其餘兩隊為甘士比同愛華頓U21，兩隊踢晒小組賽事後只得3分同0分，2戰2勝嘅唐卡士打同巴拉福特，今場未踢已經夠分出線。

不過例行公事唔代表冇投注價值，唐卡士打現時喺英甲排18，只比尾3嘅彼德堡多5分，至於巴拉福特現時少榜首嘅史托港1分排英甲次席，兩軍喺聯賽都要搶分，明顯呢場周中盃賽，唔會放正選出嚟踢。老實講，作為英格蘭第3級聯賽球隊，財力唔會好，後備力量肯定同正選好大分別，尤其後防漏動必定會多，肯定會好多入波出現，今場大細中位數起跳都要2.5/3球，明顯係一場入球騷，捧入球大啱數。