女歐聯：往績贏晒火力全開 里昂女足半Ｗ爆禾堡_東方日報

女子歐聯周三凌晨上演第3輪賽事，重頭戲里昂女足主場迎戰禾夫斯堡女足，雖然兩隊頭兩輪同樣2戰2勝，不過其實雙方實力仍然有一段距離，睇番兩軍近5次交手，里昂女足全勝之餘，單計上半場亦有4勝1和佳績，擺明格食格，里昂女足半場主勝放心捧場。（Now 643周三凌晨4時直播）文:邪神

里昂女足在女歐聯頭兩輪全勝，首戰擊敗上屆冠軍阿仙奴女足，其後再贏奧地利球隊聖普爾頓女足，表現對辦，加上今季喺女子法甲亦有穩定演出，值得投以信心一票。里昂女足最大爭勝本錢在於強大攻力，來自美國中場舒華達、南非前鋒查雲嘉，以及法國射手蓮娜祖絲芙，喺女子法甲包辦12球，今場唔愁冇波入。

羅馬華拉倫加演入球騷
禾夫斯堡女足同樣喺女歐聯2戰2勝，先喺主場大勝巴黎聖日耳門女足4比0，但作客只能小勝華拉倫加女足2比1，可見佢哋作客表現略打折扣，今次作客里昂女足，唔夠打係好正常。今場里昂女足主勝熱到唔想揀，半場主勝更值博。

同晚較早開波，仲有羅馬女足對華拉倫加女足，兩隊同樣兩戰皆北，今場可謂海軍鬥水兵，睇番雙方近況，羅馬女足近4場3次開4球或以上，華拉倫加女足近4場作客亦有3次開4球或以上，預計今場會出現大量入球，3.5球入球大揀得過。（Now 643周三凌晨1時45分直播）