沙特職：凌厲作客照恰尼奧姆 艾納斯半場大啱數_東方日報

今晚沙職重頭戲，聯賽「1哥」艾納斯作客尼奧姆SC。由葡萄牙巨星C朗領銜嘅艾納斯，聯賽7連勝高踞榜首，今場對新升班嘅尼奧姆SC，3分志在必得；尼奧姆SC有拿卡錫迪領軍，踢法開放，近5場半場全開2球或以上，今仗恭迎C朗駕到，更加要以大量入球娛樂觀眾，首選1.5球半場大。

（on.cc東網周六晚9時50分直播）文:邪神

C朗轉戰沙特職兩年多以來仍未染指錦標，今季球隊繼續擴軍，簽入祖奧菲歷斯及京士利高文後再進化，季初10連勝強勢開局，可惜早前沙王盃負於宿敵伊蒂哈德腳下慘遭淘汰，不過球隊經得起風浪，傷痛過後火速振作，上輪聯賽擊敗艾費哈重回正軌。

兵源充裕唔怕頻密賽程
艾納斯今場聯賽之前，尚要在亞冠盃二對FC高亞，結果輕鬆贏4比0，雖然賽程頻密，但艾納斯勝在兵源充裕，而且亞冠盃二對手實力相對偏弱，不會構成太重負擔，始終聯賽先係艾納斯主要戰場，今場回復強陣出擊，入球唔會少。

尼奧姆SC今季初戰沙職，表現大無畏，聯賽7戰4勝，今夏引入前阿仙奴射手拿卡錫迪，上陣8場交出5球3助攻，球隊亦近期頻頻同對手駁火連場開出大比數，今仗主場迎戰眾星拱月嘅艾納斯，勢必激起該隊進攻意欲，早段出現2個或以上入球絕對輕而易舉，半場兩球料可輕鬆達標。