沙職：吉達盡情搶攻大比你睇_東方日報

沙職矚目大戰，吉達艾阿里主場迎戰艾沙比。吉達艾阿里上季用絕對火力贏到亞冠盃冠軍，今季繼續沿用搶攻踢法，將艾雲東尼等星級前鋒威力最大化。呢種進取戰術成績唔錯兼好睇，頻頻製造大手交易，對住實力低一班嘅艾沙比會全力搶攻，3.5球入球大有計！

（on.cc東網周六凌晨2時直播）文:工廠仔

吉達艾阿里嘅進攻戰術流暢，英格蘭前鋒艾雲東尼近8場入7球，同馬列斯、安素米洛特等創造型球員刷出火花，不過球隊防守唔係咁穩，近4場就失咗7球。吉達艾阿里主場出擊特別進取，近5次主場有4次總入球開出4球或以上，包括上月對希拉爾落後3球都追得番，火力唔使懷疑。

艾沙比還擊博偷雞
艾沙比近況麻麻，近5場比賽只係贏得1場，不過佢哋作客表現反而更好，對上4場作客不敗，有信心博偷雞。艾沙比上季主場曾經3比1贏吉達艾阿里，作客亦只係輸2比3，似乎有方法撕破吉達艾阿里不穩嘅防線，今場肯定唔會坐以待斃，開3.5球入球大機會高。