外圍賽：英格蘭造細見好就收_東方日報

造訪拉脫維亞簡單任務
世盃歐洲區外圍賽K組，拉脫維亞主場對英格蘭。拉脫維亞近況奇差，上場竟然畀榜尾安道爾逼和失分，士氣大受打擊；英格蘭小組5連勝高踞榜首，今場贏波問題不大，不過主帥杜曹同樣重視防守，「三獅兵團」近5場世盃外4次開3球或以下，而且至今不失1球，預計今場繼續「派蛋」，大勝機會微，中位數3.5球入球細屬明智之選。（周三凌晨2時45分開賽）文:邪神

英格蘭上場熱身賽3比0挫威爾斯，摩根羅渣士、奧尼屈堅斯同布卡約沙卡都有「士哥」，攻力強勁，但要留意，佢哋上半場領先3球後就放緩攻勢，利用穩健防守拖到完場，最後埋單都係贏3粒，大盤客畀佢哋激死。

三獅近5世盃外0失波
再睇番K組形勢，英格蘭實力超班，出線只係遲早嘅事，杜曹亦好穩陣，今場繼續派「阿傾」哈利卡尼掛帥，配合上場入波嘅布卡約沙卡、摩根羅渣士，同埋今季轉投阿仙奴嘅伊比爾治伊斯，呢個進攻陣容已經夠殺，以比克福特為主嘅防線集中布防，近5場世盃外至今不失1球，以拉脫維亞疲弱攻力，應該入唔到波。心水清嘅球迷都知道，英超開季一段時間，杜曹同英超各隊有晒默契，唔會用殘班球員，今場目標志在3分，贏夠收工。

拉脫維亞10月國際賽檔期連續兩仗主場出擊，球員以逸待勞本應有利搶分，點知佢哋實在唔爭氣，上場對安道爾兩度領先下竟然末段失守，結果被逼和2比2痛失2分，而安道爾就攞到今屆外圍賽第1分；拉脫維亞首循環作客英軍淨吞3蛋而回，雙方實力懸殊，預計今場就算有主場之利，都會加強防守，開3.5球入球細機會更高。