法蘭克福下盤搶「芬」

法蘭克福下盤搶「芬」 

德甲星期五晚例牌有場獨腳戲，今次戲碼係賀芬咸主場對住法蘭克福。賀芬咸聯賽近5戰1勝4負，雖然對手有拜仁同多蒙特，但主場3:4輸俾科隆又點計？再睇贏波嗰場佢哋都係4:3險勝漢諾威，明顯掛住進攻唔防守，多多都唔夠輸啦。（周五25，有線61及201台周六3:30am直播）
相比之下，法蘭克福近績真係硬淨得多，球隊聯賽已3連勝，作客贏慕遜加柏，再主場連贏多蒙特同雲達不來梅，當中入10球僅失3球，同時又證明到主客場表現唔會差太遠，有晒捧場因素。
此外，法蘭克福近兩季四度對賀芬咸得2勝1和，近四次造訪賀軍亦僅一敗，證明完全唔怕對手下，因作客而受讓半一抵玩，要硬下盤。