曼联大起水晶宫豪华中场线英超登场红魔返嚟喇！首轮延期嘅曼联，今晚终于迎来新一季英超开咧战，喺主场硬撼水晶宫。曼联今季有荷兰国脚云迪碧克来投，与保罗普巴、波基斯费南迪斯组成黄金中场，火力进一步升呢，面对客场例脚软兼防守力弱嘅水晶宫，有机会大
曼联大起水晶宫
豪华中场线英超登场
红魔返嚟喇！首轮延期嘅曼联，今晚终于迎来新一季英超开咧战，喺主场硬撼水晶宫。曼联今季有荷兰国脚云迪碧克来投，与保罗普巴、波基斯费南迪斯组成黄金中场，火力进一步升呢，面对客场例脚软兼防守力弱嘅水晶宫，有机会大开杀戒，捧2.5球嘅入球大最稳阵。
由于曼联喺上季季尾杀入欧霸4强推迟收咧，因此获准延迟1周先开打，佢哋今夏重金签入荷兰中场云迪碧克，配合原有嘅保罗普巴及波基斯费南迪斯，组成超豪华中场线，加埋拉舒福特及安东尼马迪尔两位擅射锋将，中前场粒粒皆星。不过早前捲入桃色丑闻嘅新星前锋格连活特，唔排除会畀主帅苏斯克查雪藏，今仗对手水晶宫老帅鹤臣仲拨火，话「绿木」唔值得同情，又庆幸执教冇遇过呢种情况坚好彩，似係反寸番苏B，随时激起「红魔」斗心，唔衰攞嚟衰。曼联向来擅抢头炮，对上4季开咧战全部赢晒，包括上季首战4比0大破车路士，而且近4次开咧战总入球都达3球或以上，可见佢哋开季入局颇快。
另一边厢，水晶宫首战小胜修咸顿，王牌韦费特沙夏一箭定江山，连同借用嘅比利时前锋巴舒亚伊，入球能力大大提升。不过佢哋上季最后4场联赛作客全部输2球或以上，今访奥脱福球场凶多吉少，嫌主Ｗ冇肉食，转捧2.5球大盘更好路。
伦敦打吡撑阿仙奴
至于早场有爱华顿主场迎战西布朗，呢场免费电视有得播。「拖肥糖」领队安察洛堤战术锺意控球在脚，就算有新加盟嘅占士洛迪古斯在阵，但都会先做好防务唔会急攻，加上近5次联赛主场斗泊大巴嘅西布朗，4次开出2球或以下，投注2.5球入球细係最佳选择。
去到周日凌晨就有「伦敦打吡」，由近况大勇嘅阿仙奴主场迎战韦斯咸，「兵工厂」继上月连夺英足盃同社区盾后，开咧战又以3比0大破富咸，气势凌厉，今仗主场首演，当然希望打响头炮，新加盟嘅翼锋韦利安同中坚加比尔马加希斯有料到，而且近4季联赛主场悉数击败韦斯咸，当中3次更赢2球或以上，直取让球主胜。
此文章内的所有观点和内容皆为作者个人意见，并不代表999体育观点；文章所示的任何数据和资料仅供合法中国体育彩票参考及交流之用。
任何公司或自媒体如需转载，请标注“转载自999体育”，严厉打击任何抄袭行为，我们将保留法律追究的权利！