馬模讓和「比」足心機 唔好以為過咗世界盃之後有得唞，其實呢個星期已經有歐聯外圍賽上演，而今晚亦不乏有名氣球隊出戰，當中瑞超馬模一直有聯賽打緊，狀態本來比大部分歐洲球隊好，不過今晚佢哋對手雲特史比斯都係6至7月間有聯賽打，馬模冇咗呢方面優勢，要留意拉脫維亞近年足球水準急升，呢場雖然作客但睇嚟只會小敗，買定馬模開「讓和」。（周三1，香港時間周四1:00am開賽） 至於另外一場，就必買歷基亞啦！如果單計足球水平，波蘭近年冒升得更加快，而歷基亞呢支國內班霸，近幾屆都不斷亮相歐洲賽事，明顯級數比起次圈大部分對手都高，聖巴特里為愛爾蘭球隊，但呢個國家有好波嘅都去晒英國踢波啦，呢場邊有得爆。（周三2，香港時間周四2:45am開賽）