皇馬要坐贏拜仁飛機

皇馬要坐贏拜仁飛機

為了贏得歐冠盃，可以去到幾盡？皇馬與馬體會在決賽前都選擇迷信。皇馬為贏得球會史上第十座歐冠無所不用其極，要求坐返上仗大炒拜仁的同一架飛機外，更帶埋成班曾協助銀河艦隊贏過歐冠的名宿到場打氣，沾沾他們的旺氣。馬體會亦重遊舊地作賽前訓練，希望沾沾福氣。

皇馬對於十二年來首次殺入歐冠決賽，今仗可謂隆重其事且出盡法寶，除了大迷信要求坐返上月前往慕尼黑大炒拜仁的飛機，更要求原班機組人員到里斯本，更帶同多位曾助皇馬贏歐冠的名宿到里斯本。這個星級打氣團包括有曾助球隊五次贏得冠軍的根度、米積杜域、魯爾及希亞路等。一衆前球員如古迪、摩連迪斯、希古拿及前教練甘馬曹等亦參加打氣。

馬體會迷戀小鎮

馬體會都唔執輸，儘管冇皇馬咁誇張，不過都係信邪。賽前特意走到塞哥維亞的小鎮訓練，貪佢風水好。去年的西班牙盃決賽前亦在這裡訓練，最後擊敗皇馬捧盃。