馬模讓客人人「贊」好一早就已經提過季初馬模真係唔係講玩，近期仲連贏希爾星堡同埋咸史達斯做埋榜首，尤其係由舊將莫連斯搭住今季新加盟嘅羅辛貝治異常合拍，作客米贊比有機會大勝一場開番次「讓客」。（周四1，香港時間周五1:00am開賽） 始終瑞超都仲係季初，不過莫連斯同埋羅辛貝治經過9輪賽事加埋已經入成9球，似乎佢哋兩個一早就已經上力，偏偏擁有主場之利嘅米贊比喺近7戰失成14球波，平均每戰失成兩球都幾難保清白之身，有開「讓客」嘅條件於一身。 之後巴甲山度士上仗喺半場領先明尼路嘅情況下都要反輸，而且呢一場敗仗仲要係喺主場發生，咁樣輸法再出真係唔敢再掂。咁啱今次佢哋要作客之餘對手仲要係近4戰贏過3場、目前排喺巴甲中上游嘅戈亞斯，可以放心捧對手開到主勝。（周四2，香港時間周五6:30am開賽）