博車仔有着“諾”

博車仔有着“諾”

真係人算不如天算，老摩諗住“棄英保歐”，集中火力向歐冠盃決賽進發。點知副選出征可以殺敗紅軍，但主力出擊卻慘敗馬體會腳下，無奈四強出局。老摩今次真係計錯數，唯有再次寄望聯賽有奇蹟出現，首先要利物浦與曼城齊齊輸波，跟住自己連殺兩場，咁就圓滿結局。乜都唔使講，今晚先要斬殺諾域治，然後聽天由命。

正為護级掙扎嘅諾域治展開倫敦大逃亡，打完車仔之後，仲要爆“廠”對阿仙奴，兩場波攞少一分都唔掂，生還機會微乎其微，唯有望天打救。初盤車路士讓兩球，讓得認真重手，但兩隊實力確有較大差距，一於照捧車仔打“諾”有着數。

車仔輸畀馬體會其實唔算打得差，只係輸在埋門一腳稍欠運氣，球員發揮依然踢出應有水準。只要化悲憤為力量，對住人腳低一班嘅諾域治，只係贏多少問題。諾域治近十次撞“車”未贏過，有八次傷亡，只有兩次大難不死，球隊近五戰做咗木村拓嫂——“靜香”，最慘呢兩場更陷於非勝不可困局，要與一班“車手”鬥攻鬥搶，睇怕大禍臨頭。

推介：車路士3:0