歐冠分組好戲連場

    歐冠分組好戲連場

    歐冠盃正式開鑼，近年參賽球隊實力大增，水準接近。如上季冠軍利物浦，在開季前不被睇好，直至最後在英超球隊大圍捕下，遇強愈強最終奪冠。上屆巴塞與皇馬的成績有點令人失望，曼城亦無功而回。巴黎聖日門在歐冠算是新貴，惜連行近一步亦未能達到。拜仁亦未踢出應有水準。綜觀上季的歐冠，感覺有少少冷味。

    至於今屆分組賽各有強隊，當中有幸有不幸。其實一支球隊要爭冠，小組抽籤實為重要，若小組賽有強敵，絕對有機會跌落小組第二，淘汰賽階段將撼實力強勁的首名出線球隊。淘汰賽需踢六場才能入決賽，爆冷成份不大，因主客制將這冷門情況壓到最低。

    今屆的小組分配，A組皇馬與聖日門出線基本不是問題；拜仁可在B組獲一席出線，反之英超的熱刺可否像上屆一樣入決賽，相信要以與拜仁爭首名出線為前提。C組曼城一枝獨秀，D組祖雲達斯與馬體會在理論上實力佔優，但亦要提防利華古遜及莫斯科火車頭。E組的利物浦與拿坡里若小心應付，理應出線。

    要數最精彩的小組非F組莫屬，巴塞、多蒙特及國際米蘭，都是各自聯賽的頂級強隊，難為了同組的布拉格斯拉維亞。三隊對碰，場場都是戲肉。個人在G組睇好萊比錫及聖彼德堡，但賓菲加在歐冠往往有驚喜演出，里昂亦未必在其他三隊之下，此組完全是一個混亂局面，任何一隊都有權出線。最後的H組有車路士、阿積士、華倫西亞和里爾，車路士和華倫西亞分別在國內聯賽較吃力，反觀阿積士可輕鬆應付聯賽，還可好好兼顧歐冠，我投阿積士一票。

    足球評述員   微 桐