老摩斬“馬”有計

老摩斬“馬”有計

睇完車路士點樣擊敗利物浦後，真係唔到你唔服，老摩打大戰的確有計，二線兵出征，一樣都咁醒，可惜！如果在英超一早將“老虎”“蒼蠅”一齊打，車仔就可以重奪聯賽錦標。老摩現在目標直指歐冠盃，明晨主場再戰馬德里體育會，到底老摩又會施展乜嘢“摩”法將對手置諸死地？老實講句，第二個教頭都會諗一諗，但對老摩嘅精心部署，絕對有信心法定時間內殺退強敵。

馬體會首回合得唔到甜頭，今仗肯定更加惡打，因為史丹福橋威力實在勁得驚人，唔睇好馬體會可以殺出重圍。初盤車路士讓平手／半球，推介藍軍騎“馬”過關。

車仔呢兩場大戰被彈用“大巴”戰術，老摩話之你，最緊要部“大巴”可以撞死對手。相信今戰同樣會穩字訣，始終主場失波對球隊更處於不利，老摩絕不會只攻不守，穩中求勝就係老摩殺着。

馬體會唔單止輸蝕踢作客，體力亦成為關鍵之一，為爭西甲冠軍上仗對華倫西亞精銳盡出，打完硬仗後隨即再遠征英倫，舟車勞頓，你都咪話冇影響。何況一班正印“車手”充足電，蓄勢待發，誓要“車”到功成。

推介：車路士2:0