皇馬殺“仁”不見血

皇馬殺“仁”不見血

今季歐冠盃被譽為萬眾矚目之戰，皇家馬德里大戰拜仁慕尼黑，四強首回合明晨將在貝拿堡球場展開激鬥。冤有頭、債有主，前季皇馬被拜仁踢出局，今季再度相逢，誓必有仇報仇。近四次主場皆能殺退對手，皇馬今仗亦值得睇好。

聯賽經已穩奪冠軍，拜仁全面向盃賽衝刺。德國盃已順利殺入決賽，當然希望歐冠盃同步進發，連續兩季成為三冠王。不過，作客皇馬肯定是一場艱苦之戰，以“哥帥”一向部署風格，今仗必會留有後着，先穩打穩扎，力求首回合處於有利形勢。但大踢攻勢足球嘅皇馬又點會放過獵殺機會。初盤皇家馬德里讓平手／半球，捧爭勝鬥心大過天嘅皇馬，不成功便成“仁”。

皇馬上仗激殺巴塞，先聲奪人捧走西班牙盃，球隊士氣旺盛。陣中三大攻擊手巴利、迪馬利亞及賓森馬表現出色，狀態“弗”到“嘭嘭聲”。今仗更加埋傷癒、以猛虎出柙姿態復出的C朗，皇馬實行以重火力全面狙擊對手。預料拜仁防線將陷於苦戰。

由於近四次到訪貝拿堡都係敗興而回，拜仁今戰存在唔小壓力，但求不失並非容易，輸多輸少就要睇防守力有幾堅。

推介：皇家馬德里三比一