捧西維爾贏“波”

捧西維爾贏“波”

睇完兩晚激戰連場嘅歐冠盃八強後，今晚繼續輪到歐霸盃，揀咗西維爾對波爾圖。西維爾踢法一向都以進攻足球為主，甚至首回合作客，一樣排出三箭頭與波爾圖對攻。今仗返到主場兼落後一球，肯定更加積極採取主攻，只要一眾攻擊手能夠把握良機，絕對可以收復失地。

波爾圖今仗作客能否保住優勢晉級四強，就要睇球隊臨場表現，首先必須克服“作客恐懼症”，否則功虧一簣。老實講，波爾圖今季在葡超只能做“小三”，皆因作客失準兼失分太多，唔改善，今仗實在唔睇好。初盤西維爾讓半球，不妨博西維爾有利可“圖”。

波爾圖作客戰績差強人意，相反西維爾主場就有一定保證，近三戰取得全勝兼攻入十球，不止火力夠猛，強如皇馬亦成為腳下敗將。據統計，西維爾係今季歐霸盃射門次數最多一隊，六十次命中亦係最強，今戰非勝不可下，肯定向對手不停連環發炮，預料有斬獲。

再一次強調波爾圖作客不利數據，近五場三和兩負，場均失兩球，最慘近三次作客西班牙球隊全部敗北，各位投資者自己諗諗。

推介：西維爾1:0