歐冠盃:高普令紅軍攻守更平衡

高普令紅軍攻守更平衡今晚歐聯8強次回合利物浦作客再鬥波圖，「紅軍」首回合領先2比0優勢明顯，主場嘅波圖想出線一定要爭取入波，即係話焗攻，細鬼相信近況弗爆嘅利物浦，會有成熟發揮，加上一班「着晒火」嘅前線組合，就算遠赴葡萄牙，都有力喺次回合坐和望贏。力爭英超及歐聯「雙冠夢」嘅利物浦，難度梗係唔細，不過「紅軍」眾將冇被挑戰嚇怕，成功喺兩條戰線高歌猛進，除咗聯賽繼續同曼城你追我趕之外，歐聯8強首回合亦順利先拔頭籌，憑拿比基達及羅拔圖法明奴嘅入波，兩球領先波圖。「紅軍」今季可以長期保持高水平表現，同日漸成熟嘅戰術體系及打法絕對有關係，上季充滿「視覺衝擊」嘅進攻勢頭固然令球迷大呼過癮，但防線欠缺穩定性表現，不足以為球隊帶嚟獎盃。今季領隊高普學精咗，保留原本攻擊組合之餘，防守亦全面強化，加上中堅華基爾雲迪積克「統治級」嘅表現，令利物浦攻守更趨平衡，實力亦更驚人。波圖焗攻易現空位今仗波圖無退路，唯有大軍壓前，後防更容易出現漏洞，變相畀「紅軍」一班速度快兼把握力強嘅射手，如沙迪奧文尼同穆罕默德沙拿等有發揮空間，利物浦睇定嚟食有機會贏多鋪