歐冠盃:曼聯征巴塞絕地大反擊

曼聯征巴塞絕地大反擊蘇B重返福地再創奇迹？今晚深夜歐聯8強續演夢幻對決，巴塞隆拿返主場再鬥曼聯。首回合曼聯喺主場輸1粒，但主帥蘇斯克查重返「奇迹之地」魯營球場，誓要再做「奇迹男」，狂攻帶領紅魔絕地反擊，不過巴塞主力抖到夠，隊長美斯更腳風順到冇朋友，鬥攻格局實多波入，2.5球嘅大盤有買趁早。（myTVGold303、Now643、有線656及616台周三凌晨3時直播）首回合曼聯主場輸0比1，全場10次射門冇腳中龍，係14年來首次喺歐聯賽事錄得0中龍嘅尷尬紀錄，明顯係主帥蘇斯克查改打穩守突擊失策，為出線今仗一定主動搶攻。紅魔今屆主場輸、作客贏嘅例子唔少，最爆梗係「蘇B」領軍後16強對巴黎聖日耳門，首回合主場先輸0比2下，作客竟贏番3比1，憑較多作客入球晉級，睇番佢哋近4場歐聯作客全開3球或以上，可見紅魔經常喺客場大舉進攻。20年前喺魯營舉行嘅歐聯決賽，曼聯於補時連入2球反勝拜仁2比1捧盃，正係靠「蘇B」轟入奠勝球，今仗重臨「奇迹之地」，誓要再造反勝經典，但左閘勞基梳爾要坐波監，防線存隱憂。美斯拿傑迪錫抖夠搏殺另一邊廂，巴塞隊長美斯雖於首回合未有士哥，但佢妙傳蘇亞雷斯攻門，導致曼聯擺烏龍致勝堅關鍵，呢名球王今季狀態大勇，唔單止喺聯賽轟入33球，於今屆歐聯亦有8球進帳，與已出局嘅拜仁箭頭羅拔利雲度夫斯基並列射手榜「1哥」，腳風超順。「地上最強」今屆已累積20球，係火力第二強球隊，佢哋日前聯賽對侯爾斯卡收起美斯、拿傑迪錫等多名主力，抖夠迎戰曼聯，為免重蹈聖日耳門遭紅魔大逆轉覆轍，就算領先緊1粒返到主場都唔會主守坐以待斃，鬥攻格必捧2.5球嘅入球大