曼城受讓有揸“那”

曼城受讓有揸“那”

歐冠十六強次回合上演強者對話，巴塞羅那擺陣魯營球場恭候曼城，揸住兩球在手嘅巴塞只要穩打穩紮控制戰局，晉級形勢大好。

相反，曼城只能背水一戰，預料“柏爺”擺出全攻型陣式，實行與對手鬥攻鬥搶，狀態回落嘅巴塞，未必可以佔到太大優勢。初盤巴塞羅那讓一球，推介全面搏殺嘅曼城受讓值博。

首回合激戰一場，雙方互有攻守，曼城敗陣關鍵於迪米捷利斯被罰離場，形勢上曼城根本輸唔晒，今戰必定反客為主，戰況更加激烈。

巴塞近三場比賽輸咗兩場，球員狀態明顯處於回落期，上場聯賽輸畀華拉度列更加係近年最差代表作，根本踢唔出以往水銀瀉地侵略性打法，相信最大原因是球員出現疲態。如果今戰再受到曼城緊密壓迫，巴塞實在不宜睇好。

曼城上場足總盃爆大冷不敵韋根，球員作戰心態唔多唔少受到今戰影響，但無論今晚能否神奇翻盤，爭勝決心肯定強於對手。大打爭氣波情況下，曼城可站於不敗之地。

推介：和波2:2