潛艇“愛”唔過今晚西甲夜戰由兩支中游班擔正,愛斯賓奴對維拉利爾。既然講到明兩隊係中型班,即係話雙方實力屬於半斤八両,祇係聯賽排名方面,維拉利爾稍為高些少,所以佔有主場之利嘅愛斯賓奴唔使讓波,初盤平手的確有着數,可值搏愛斯
潛艇“愛”唔過
今晚西甲夜戰由兩支中游班擔正,愛斯賓奴對維拉利爾。既然講到明兩隊係中型班,即係話雙方實力屬於半斤八両,祇係聯賽排名方面,維拉利爾稍為高些少,所以佔有主場之利嘅愛斯賓奴唔使讓波,初盤平手的確有着數,可值搏愛斯賓奴有數“維”。
愛斯賓奴陣中名氣球員唔多,祇有葡萄牙老將森馬奧與前巴塞球星沙治奧加西亞算係最有“朵”,但其他球員質素勝在夠平均,加上硬朗兼兇悍的踢法,呢班波絕對屬於硬骨頭。球隊近況表現唔差,近兩場連勝,上場作客更擊敗“四哥”畢爾包,之前在西班牙盃,皇馬亦要費盡九牛二虎之力才可淘汰愛斯賓奴,證明“愛奴”睇得又打得。球隊目前排第十,已無後顧之憂,祇望能夠力爭上游,冇壓力兼在自己地頭出擊,相信會有更佳的發揮。
第六位嘅維拉利爾目前少畢爾包四分,仍有機會追上前四。不過,呢艘“黃色潛艇”近況認真麻麻,近四戰一勝三負,作客更是兩連敗,連尾三嘅護級分子華拉度列均輸得,整體表現實在太飄忽。一於捧狀態較佳嘅愛斯賓奴可豪取三連勝。推介:愛斯賓奴2:1