熱刺誓再破“魔”咒

熱刺誓再破“魔”咒

熱刺今夏豪花超過一億英鎊招兵買馬，可惜踢咗十二輪聯賽仍未得到較佳回報，暫時只排第九位。不過，由於前八支球隊相差分數唔算有太大距離，依然可以力爭上游，重返前列位置。

球隊上場聯賽慘遭重創，喪吞曼城六蛋，令一班“熱粉”痛心疾首。幸好周中歐霸盃化悲憤為力量，贏波止咳，證明小小苦楚等於激勵。今晚再戰曼市另一勁敵曼聯，熱刺絕對有機，上季兩度碰頭，熱刺一勝一和，作客更加打破N年不勝魔咒；今仗主場出擊，至少可力保不敗。

紅魔主帥莫耶斯認真牙擦擦，周中歐冠盃大勝對手，講到自己班波踢出最佳水準，完全忘記上周對卡迪夫城踢到一無是處，睇吓今晚作客熱刺又踢成點？初盤平手，推介熱刺坐和望贏。

熱刺最大隱憂依然係前線數餬能力，十二場聯賽只攻入九球，其中三球仲係十二碼，要殺敗紅魔必要加強鋒力。

曼聯方面，不穩防線仍係最大致命傷，大將韋迪與拉菲爾仍有傷在身，李奧費甸南、菲爾鍾斯及伊雲斯都有弱點。利華古遜大敗原因係對曼聯唔多熟路，熱刺打曼聯應有一定攻略。

推介：熱刺2:1