史特加讓波冇“堡”證

史特加讓波冇“堡”證

今晚冇乜重點賽事，只有一場德甲較有睇頭，由史特加對紐倫堡，如果計雙方實力及人腳平均質素，其實相差唔會太遠，只係史特加近況較為理想兼有主場之利，睇高些少都合理。但初盤開出要讓半球／一球，要贏到兩球才可全數奉還，似乎又唔多啱數，因為紐倫堡今季五場作客只輸過一場，其餘四場都係和波，證明踢作客相當保守，加上目前正處於護級邊緣地帶，極需要搶分自保，肯定會更加落力，至少在史特加身上搶一分唔難，推介紐倫堡可“特”圍。

史特加近五場只輸過一場畀費雷堡，其餘四戰一勝三和，實際上只係勉勉強強，何況五場波對手都只係排十名以下球隊，強極有限，所贏一隊亦只係包尾的升班馬布倫斯維克，史特加有幾多料真係有數得計。

紐倫堡開季至今仍未嘗一勝，九戰只得六和三負，暫時排尾三位置，之前兩位教練當然難逃一炒，荷蘭籍名帥華碧克即時走馬上任。新人事新作風，第一仗又點衰得，“華教頭”一向以硬朗兼鐵腕政策出名，相信會對球隊起到一定作用，亦會激發球員比賽鬥心，紐倫堡有望坐和望贏。

推介：和波1:1