波爾圖受讓“祖”買

 波爾圖受讓“祖”買

    明晨續有歐冠盃十六強上演，葡超勁旅波爾圖在主場迎戰意甲班霸祖雲達斯。初盤祖記讓平手／半球，大圍似乎對祖記勝出機會信心不足。波爾圖的確戰鬥力不能睇低，借助主場在首回合至少坐和望贏。

    波爾圖陣中最具名氣球星除門將卡斯拿斯外，都冇乜邊個最“響朵”；不過，多名超新星值得留意。包括“十號仔”廿一歲的施華；二十歲未夠的利維斯，被譽為葡萄牙明日之星，亦係歐洲豪門皇馬、巴塞、曼聯及車路士等搶購目標；仲有祖達及巴西射手F蘇亞雷斯等，真正實力深不見底。且主場已十幾場不敗，近四戰更全勝，絕對有力挑戰祖記。

    祖雲達斯挾國內七連勝，球員狀態大勇，兩大攻擊手希古恩與文迪蘇傑“弗”到“嘭嘭聲”。由於今仗先踢作客，相信祖記會踢得較保守，一試對方實力。一場勢均力敵之戰，勝負難料。

    推介：和波1:1