曼城奏凱“哥”

曼城奏凱“哥”

    曼城在足總盃被英冠球隊悶和確令球迷失望，但“哥帥”的重點相信集中在英超與歐冠，明晨十六強首回合對法甲摩納哥，爭勝心肯定加強，必先發制人爭取領先優勢。

    摩納哥在分組賽算抽到靚籤，利華古遜、熱刺及莫斯科中央陸軍，基本屬同級對手，加上有出色發揮，能出線相當正路，當然本身亦具一定實力，但去到淘汰階段，無論對手級數與踢法都提升，特別作客英超球會，今仗未必有作為。初盤曼城硬讓一球，捧藍月亮至少兩球驅“摩”。

    曼城因巴西金童謝薩斯受重創，對攻力有一定影響，但貶為後備的阿古路可以重生，埋門級數毋須多疑，仲有杜尼、大衛施華及迪布尼等球星，料可輕取對手。摩納哥陣中較具名氣有法卡奧、摩天奴及克羅地亞國門蘇比錫，論星級指數明顯不及曼城，講整體實力亦難向曼城挑戰。

    推介：曼城二比〇