巴塞讓多不“利”

巴塞讓多不“利”

    巴塞在歐冠受到沉重打擊，竟被聖日門勁炒四蛋，次回合翻身機會相當渺茫。

    除西班牙盃已殺入決賽外，聯賽亦要狂追皇馬，明晨主場迎戰護級分子雷加利斯，巴塞不容再失。問題係歐冠慘敗後，球隊出現將帥不和，主要原因主帥“基哥”陣容千變萬化，尤其中場組合調動，簡直亂點鴛鴦。上兩季恩尼斯達，布斯基斯及拿傑迪的鐵三角組合，今季只係輪換上陣，除影響中場組織力外，控球能力亦續漸減弱，嚴重性更加令球員不滿，“基哥”確受到唔少難題困擾。

    不過，巴塞始終實力超群，尤其今仗對手雷加利斯，只要一眾球星交出功課，依然勝算極高。但初盤巴塞羅那要讓兩球半 / 三球，似乎讓得過份。

    雷加利斯正處於危險地帶，排尾四只多降班區球隊兩分，必要搶分護級。當然以球隊整體戰力，作客魯營球場挑戰巴塞，要攞分實在相當艱難，唯有死守到底，搏和搶一分亦有一定可能性，不妨捧雷加利斯輸波贏盤。

    推介：巴塞羅那2:0