德國“威”得起

德國“威”得起

    世界盃歐洲區外圍賽今晚展開小組賽第一輪比賽，每組首名將會直接進入一八年俄羅斯世界盃決賽周，次名就要踢兩回合附加賽。

    上屆冠軍德國身處C組，同組競爭對手包括挪威，捷克及北愛爾蘭兩支歐國盃決賽周球隊，德國要爭頭名都要過關斬將，明晨首戰將要作客挪威。計實力，德國無疑稍高一籌，出征前一場熱身賽兩球輕取芬蘭，德軍亦只係半力出擊。一班爭上位的球員表現搶眼，尤其麥斯美亞、基米治及韋基三名“九五後”新星，將成為新一代接班人，加上奧斯爾、湯馬士梅拿、卻奧斯及門將紐亞領軍，實力依然強横。

    挪威陣中以國内聯賽球員為主，一對箭頭則為在英超搵食的京治與迪奧文迪，前中後三線稍為欠缺平均。兩日前同樣踼過一場熱身賽，惜主場亦不敵世界排名七十位的白俄羅斯。近四場友賽輸足三場兼共失九球，平均每場失兩球以上，不但反映出球隊戰力有限，防守能力亦相當脆弱。

    德國前線火力絕不簡單，要撕破挪威防線唔難。初盤德國硬讓一球，捧德軍贏波又贏盤。

    推介：德國2:0