蝙蝠“蘇”唔起半球 西甲明晨安排一場單挑,由華倫西亞對皇家蘇斯達。打完今場之後兩隊就可以收咧,雙方都已經冇任何目標,既然屬於例行賽事又等收工,無謂搏到損手爛腳,和氣收場皆
蝙蝠“蘇”唔起半球
西甲明晨安排一場單挑,由華倫西亞對皇家蘇斯達。打完今場之後兩隊就可以收咧,雙方都已經冇任何目標,既然屬於例行賽事又等收工,無謂搏到損手爛腳,和氣收場皆大歡喜。初盤華倫西亞讓半球,當然執下盤嘅皇家蘇斯達。
今季睇過多場西甲比賽,其中幾支中下游球隊表現都踢得相當有紋有路。反而一向被認為實力分子嘅華倫西亞就較為走樣,球隊整體配合不足,進攻組織欠缺章法,個人主義比較重,難怪踢到最後一輪都只係排第十一,證明球隊真正作戰能力並非太強。
“蝙蝠軍”近三戰取得一和兩負,三場波共失七球,好明顯比賽態度已鬆散。洛迪高今仗要停賽,艾卡沙隨時要備戰歐國盃,一定唔會搏,要讓波實在捧唔過。
反而皇蘇仍有一定戰意,上場踢少一人都能殺退華歷簡奴,鬥心依然未減。如果講踢法,皇蘇較“蝙蝠軍”更具整體性,加上近年對賽皇蘇亦佔盡優勢,近九次交鋒七勝一和一負,包括首循環淨勝兩球,就算今仗踢作客,仍可立於不敗之地。
推介:和波2:2