哥连泰斯保榜首大动干「戈」

国际赛档期后，波友们又可以稍事休息，准备迎接周末重开嘅欧洲主流联赛，但唔代表听朝冇好嘢拣喎，巴甲榜首哥连泰斯会喺主场迎战愈踢愈颓嘅戈亚斯。睇番哥连泰斯对上3次主场斗戈亚斯，试过大数对手5:1同5:2，呢次让半一又使乜怕先，1.72倍上盘咪走宝。

（开赛时间：周五早上6:30）

戈亚斯中坚打柴不设防

哥连泰斯暂时喺巴甲，以5分之差压住明尼路稳坐榜首，为免夜长梦多，班波肯定力求赢波务求尽快抢得锦标。事实上，哥连泰斯主场够晒恶，近12次联赛主场出击录得11胜，加上中场谢臣近3仗入3粒Fit到爆，呢铺对住作客4连败嘅戈亚斯边会咁易失手先？何况赛前球队仲收到好消息，守将古希美亚云拿、乌恩度尔、法格拿经已康复，就算中坚菲腊比蒙达里奥今仗停赛都冇有怕！

至于对手戈亚斯，自从踏入9月开始，球队演出变得反覆难靠，最近5战仲输足4场，夹埋失咗9球咁多，防线认真牙烟。呢铺佢哋仲要有中坚维尔马卢卡斯打柴，好难旨意可以全身而退囉！