巴塞大破“列”

巴塞大破“列”

巴塞羅那新球季首場熱身賽即失威，再一次敗於拜仁腳下，一來狀態未操起，二來人腳未齊，至少有十一名主力未報到，其實再做失“拜”者亦無話可說。第二場去到挪威對住華拿倫加終於出返啖氣，七球大炒對手。今晚轉戰波蘭友賽當地甲組中游分子列治亞，在新教頭馬天奴到場督戰下，一衆球星必會繼續“搶韁”，預料亦絕不留情，將主人家一炒再炒。

列治亞在波蘭甲組中只屬二線球隊，陣中較有名氣係今季加盟的前日本國腳松井大輔與巴西援將迪尼奧，開季兩場聯賽都係和波收場，整體戰力要與“地上最強”的巴塞相比，至少差幾班，只望在自己地頭踢場好波，將失球數字減到最低。

巴塞仍有大部分主力未歸隊，包括新加盟的巴西球星尼馬、沙維、恩尼斯達及費比加斯等。不過，一線球員中有美斯、A山度士、泰路及桑治等，仲有J杜斯山度士及多名博上位新星，對住挪威較有名氣的華拿倫加都可以妙得咁熱烈，今仗對住名不經傳的列治亞，以巴塞超強火力，睇怕三五七球應該冇走雞。

推介：巴塞羅那5：0