墨西哥「大」開殺戒

危地馬拉級數低冇得揮
美洲金盃聽朝在美國亞利桑拿上演獨腳戲，由首戰輸波嘅危地馬拉喺C組對啱啱大勝一仗嘅墨西哥。墨西哥今次出戰金盃目標只得一個，就係贏冠軍，球隊首戰6比0大炒古巴盡展非凡攻力，今仗面對實力一般嘅危地馬拉相信可再開殺戒，讓球主客和墨西哥讓到兩球都捧得過，另外大盤亦值得支持，隨時嚟過「雙殺」。（周一早上9時開賽，馬會網上文字直播）

危地馬拉首仗以1比3不敵千里達，球隊實力見底，陣中較有名氣嘅球員好似西雅圖海灣者中場馬高柏巴、皇家鹽湖城後衞伊利亞斯華斯基斯同FC達拉斯後衞摩西斯靴南迪斯都有上陣，而作為隊長的市政體育會射手卡路士雷斯上仗更取得入球。不過危地馬拉面對實力未算最強嘅千里達都要輸波，今仗對住更勁嘅墨西哥等做炮灰。

奧利比柏拉達上仗戴帽
墨西哥早前喺美洲國家盃雖首圈出局，但美洲金盃先至佢哋目標，一眾主力好似杜斯山度士同莊拿芬杜斯山度士兩兄弟、卡路士韋拿、奧祖亞同古亞達度皆喺陣中，實力明顯超班。墨西哥首仗面對古巴大勝6比0，雖然對手有多名球員到達美國後失蹤，令大軍只得16人可用，但就算佢哋夫添都係唔夠打。更恐怖嘅係墨西哥上仗錄得29次射門，當中CF阿美利加前鋒奧利比柏拉達更大演「帽子戲法」，今仗面對實力一般嘅危地馬拉，再大炒唔係難事，阿謙捧讓球客勝同大盤。