小葡兵寵愛有“加”

小葡兵寵愛有“加”

世青盃已經踢到淘汰賽階段，今晚有熱門之一的葡萄牙對住黑色勢力加納。葡萄牙嘅青訓一向唔差，特別係國內球會青年軍，簡單講句叫訓練有素，上屆世青盃一路過關斬將殺入決賽，惜最終一戰在加時不敵巴西屈居亞軍。今屆捲土重來，實力依然強勁，今仗對手加納雖有一定威脅力，但“小葡兵”勝算仍高。

加納在分組賽表現出頑強鬥志，頭兩場分別輸畀法國與西班牙，出線形勢變得惡劣，但最後一戰拼勁十足，以四比一大勝美國得以第三名出線，入到十六強已算最好交代。對住強隊，加納始終技遜一籌。初盤葡萄牙讓半球，推介“小葡兵”順利贏波晉級。

“小葡兵”陣中有唔少新星值得留意，包括已轟入五球有機會成為神射手的般馬、效力葡超賓菲加的中場安祖高美斯、士砵亭B隊重心伊斯加奧，仲有巴塞羅那B隊後防的艾迪加等，前中後三線相當均衡。只要今仗加強壓迫力向對手施壓，入八強冇問題。

協助莎索羅由意乙升上意甲的保克耶，係加納頭號危險人物，可惜整體欠缺平均，實在難有突破。

推介：葡萄牙2:0