“巴”“西”大戰和味濃

“巴”“西”大戰和味濃

洲際盃明早展開最後對決，巴西大戰西班牙，巴西以全勝姿態殺入決賽，除對住烏拉圭受到些少考驗外，基本上一帆風順，但今仗遇上最強的西班牙，能否繼續踢出森巴威力及保住足球王國稱譽，確係最大測試。

以“金滿貫”為目標的西班牙上仗對意大利幾乎陰溝翻船，只憑十二碼淘汰對手，話雖如此，但依然踼出“地上最強”風格，對住東道主巴西，相信亦唔會有太大走樣。兩大高手對陣，勝負將取決於臨場發揮，埋門把握及幸運成份，預料九十分鐘內亦難以分出勝負，既然初盤開出平手，不妨考慮一比一或二比二波膽。

尋日講過，兩隊各有所長，巴西以個人能力較強，尤其前線進攻點，三大攻擊手尼馬、侯克及費特都係自己搵食較多，主要原因係中場組織及創造性未夠火候，巴西要贏波，真係要睇三大殺手把握力。

現今足球講求個人技術質素及整體配合，西班牙能夠成為世界“一哥”，就有以上兩大元素，加上講到場上控制能力，無疑比巴西較為優勝，如果揀一個冠軍，都係西班牙。

推介：和波2：2