大阪飛腳和客橫「素」

大阪飛腳和客橫「素」 

全個日本都幫緊日本女足打氣，搞到冇乜人會理日職，不過賽會喺呢個時候整場柏雷素爾迎戰大阪飛腳，咁嘅戲碼都唔弱啦，當係幫日本女足打氣之前嘅熱身賽。（周二1，香港時間周二6:00pm開賽）
若果呢場波能夠提早些少舉行嘅話，咁就可能會對主隊柏雷素爾有利，不過嚟到今日先踢就冇乜明顯優勢可言嘞，事關佢哋冇人要喺國際賽期間離隊，相反對手大阪飛腳嘅龍門東口順昭以及前鋒宇佐美貴史喺今個月中先至入選日本國家隊，可惜嚟到呢一刻肯定已經唞夠，淨低嘅優勢恐怕都係得番主場，同埋主場球迷嘅支持。

宇佐美貴史回落

不過大阪飛腳都唔係話贏就贏，喺季初只要宇佐美貴史一入波佢哋就贏硬咁滯，十足十運財童子咁旺，問題係人有三衰六旺，近期佢嘅入球數字已經大減，搞到其他球員踢得異常辛苦，好似上輪日職就要靠中場今野泰幸幫手入波先至攞到1分，今次作客十成十會死守嘅柏雷素爾未必會贏得咁輕鬆，恐怕又係要靠其他人幫吓手，一於博佢哋喺頭45分鐘踢成平手，去到下半場先至分到勝負。