巴西女足「澳」妙繽紛

巴西女足「澳」妙繽紛
 
女子世界盃打到入去16強，最矚目戲碼肯定係巴西女足對澳洲女足，鑑於呢班森巴女將喺分組賽取得全勝，預料強勢並唔會終止，足智彩開讓球主客和，買巴西女足開出2.77倍嘅「讓主」益街坊。（周日18，香港時間周一1:00am開賽）

巴西女足上仗以1:0擊敗哥斯達黎加女足，宣佈連贏3場以首名姿態出線，而喺陣容方面，隊長瑪達、聖托奧林匹克女足前鋒姬絲蒂安妮同埋聖荷西女足中場科美嘉都喺上仗休息，擺明留力今場16強賽事，教練華達奧亦強調有信心90分鐘內贏波晉級。澳洲女足上仗以1:1打和瑞典女足，取得1勝1和1負以次名出線，表現唔算突出，教練史達施斯亦承認，球隊賽前被一致睇淡，出線16強已經屬驚喜，今戰巴西女足會盡力踢，但以波論波，我哋都知道「讓主」穩開啦。

加拿大女足主場有計

東道主加拿大女足對瑞士女足亦可以睇高一線，主隊上仗賽和荷蘭，陣中有諾士郡女足中場絲葛同埋波特蘭荊棘中場莉安韋堅遜，實力喺瑞士女足之上，加埋主場之利相助，讓半球、一球上盤走唔甩。（周日28，香港時間周一7:30am開賽）