“賓仔”輕鬆斬“馬” 西維爾昨晨反勝迪尼普,成功衛冕歐霸盃冠軍,但唔係大新聞。國際足聯高層涉嫌貪污案,簡直令世界體壇震驚,案件牽涉十四名高層人員,包括白禮達左右手、兩名副主席在內。據聞
“賓仔”輕鬆斬“馬”
西維爾昨晨反勝迪尼普,成功衛冕歐霸盃冠軍,但唔係大新聞。國際足聯高層涉嫌貪污案,簡直令世界體壇震驚,案件牽涉十四名高層人員,包括白禮達左右手、兩名副主席在內。據聞將被美國檢察機關指控四十七宗罪,FBI已介入調查,可見嚴重程度。事件的確影響國際足聯聲譽。
過兩日就係國際足聯新主席選舉,由於貪污事件影響,相信七十多歲嘅白禮達會黯然退位,由柏天尼力撐嘅約旦王子阿里成為新一任主席大熱門。希望新人事新作風,可以打擊足球腐敗問題。
至於今日推介係葡萄牙聯賽盃決賽,由賓菲加對馬里迪莫。雙方實力相差懸殊,聯賽煞科戰,賓菲加不用吹灰之力以四比一擊敗對手,兩循環共大勝八比一,證明實力遠遠在對手之上。對住近十四次輸足十四場嘅手下敗將馬里迪莫,賓菲加不勝無歸。
初盤賓菲加硬讓球半唔算多,兩大射手莊拿斯與利馬聯賽合共攻入卅五球,火力有保證,預料賓菲加繼勇奪聯賽冠軍後再奪聯賽盃,成為雙冠王。
推介:賓菲加3:0