巴塞皇馬雙拼下盤

巴塞皇馬雙拼下盤

    今日介紹個西甲拼“盤”畀大家，兩支爭衝線球隊，巴塞與皇馬齊齊主場出擊，勢必全力狙擊對手，一致睇好勝算甚高。不過，贏波容易殺盤難，初盤開出，兩隊讓得都有點過分，不如考慮下盤波較實際。

    先有巴塞對皇家蘇斯達，巴塞近三場狂斬對手，共攻入十七球，入球數字高開。但既然去到爭標呢個非常時期，巴塞最緊要都係攞三分。皇蘇雖然踢風流波，勝負無關痛癢，但落到場比賽當然唔想畀人凌辱，近三場一勝兩和不敗，證明球員比賽態度依然積極，今仗未必會大敗。巴塞要讓三球／三球半，贏四球先有着數，點揀得落手呀？

    另一場皇馬對華倫西亞，皇馬肯定冇巴塞讓得咁誇張，只係一球／球半。始終華倫西亞並非“二打六”球隊，首循環皇馬作客都要腳下稱臣，今場又何來穩操勝券？下周歐冠非要搏命翻盤不可，皇馬存在一定隱憂。何況肥安經已爆響口，歐冠重要過聯賽。華倫西亞為要保住個前四，必定與皇馬硬接招，力拼之下未必會大敗。

    推介：巴塞羅那2:0皇家蘇斯達；皇家馬德里2:1華倫西亞。