至削米蘭打吡陷頹細 時移世易,今時今日嘅「米蘭打吡」已經唔同晒,雙方今晚會第214次對碰,呢場史上最削「米蘭打吡」嘅影響力大不如前,但雙方為尊嚴而戰一樣唔衰得。考慮到AC米蘭有迪斯度加入傷兵行列,國際米蘭近況又頹爆,捧1
至削米蘭打吡陷頹細
時移世易,今時今日嘅「米蘭打吡」已經唔同晒,雙方今晚會第214次對碰,呢場史上最削「米蘭打吡」嘅影響力大不如前,但雙方為尊嚴而戰一樣唔衰得。考慮到AC米蘭有迪斯度加入傷兵行列,國際米蘭近況又頹爆,捧1.8倍細最啱數。
(TVB301台、中央5台周一凌晨2:45直播)
國米助攻王古亞連停賽
兩支同市隊伍家陣位列聯賽榜中游,大家同樣高不成低不就,但話晒都係打吡戰,梗要加多兩錢肉緊啦!先講國米,佢哋上仗擊敗維羅納先至終止連續7場不勝頹勢,以為佢哋會反彈?亨格比利就唔係咁睇,事關今季已經有6次助攻嘅發電機古亞連要停賽,佢嘅中場拍檔波索域亦坐波監,中場斷晒輸送,莫路伊卡迪曉飛都冇用啦!
AC迪斯度 艾沙拉維打柴
掛名作客嘅「紅黑兵團」亦唔好得幾多,冇錯佢哋係連續3場意甲搶到分,弊在射手迪斯度上仗鬥森多利亞傷出,今仗幾可肯定會聯同養緊傷嘅艾沙拉維齊齊缺陣,傷愈嘅本田圭佑亦因狀態不足會先任後備,人腳都唔齊,單靠文尼斯衝鋒陷陣唔太信得過。睇埋往績,雙方近5次交手全部開細,咁嘅情況唔係唔捧細呀?