科娜 ：阿仙奴-1冇難度

雷丁未夠班想爆都難
英格蘭足總盃四強戰今晚爆發，衞冕嘅阿仙奴會喺足球聖殿溫布萊球場對戰英冠球隊雷丁，近況托弗嘅「兵工廠」今場傷疲盡起，陣中只得阿歷士張伯倫一名傷兵，真係難得一見；態勇兼可以夫添出擊，阿仙奴要「掃雷」真係依絲執呀，今場讓得起雷丁一球，讓球客勝有買趁早嘞！

（now 633周日凌晨零時20分直播）

講起雷丁，相信好少人會講得出陣中有邊幾位主力，俄籍前鋒普格恩耶克算係最出名嗰位，反而領隊奇勒仲多人識，佢做過車路士領隊莫連奴同前利物浦主帥杜格利殊嘅副手，捱足十幾年先坐正做領隊，12-13年球季更帶領英超嘅西布朗變身神奇球隊。雖然上季因為戰績曳難逃被炒命運，但普遍認為佢並非庸帥。

兵工廠8連勝弗爆
不過領隊幾有料都好，手下班兵都要有番咁上下先有望爆冷，排喺聯賽第十八位嘅雷丁依家連英冠都踢唔掂，就知球員實力去到邊，其實雷丁能夠殺到嚟英足盃四強實在夠運，晉級過程未遇過英超球隊，只係對住同級對手如卡迪夫城、打比郡等，甚至喺八強面對英甲嘅巴拉福特都要重賽先贏到，試問今場又點同阿仙奴鬥呀？

「兵工廠」踏入2015年開始踢到曉飛，最近更豪取八連勝，雖然王牌阿歷斯山齊士狀態有啲跌Watt，但係由奧斯爾、辛迪卡索拉、艾朗藍斯、高基連所組成嘅中場線真係無人能阻，前線仲有個全面回勇嘅「銀河唯一」基奧特，「兵工廠」依家「武器」齊全，連抖咗接近五個月嘅韋舒亞今場都有望復出，冇理由唔捧讓球客勝啩？