阿占：史特加不來梅

德甲球隊實力接近，上季漢堡幾乎歷史性降班，季初又有多蒙特深陷護級漩渦，依家球迷焦點又落喺老牌勁旅史特加身上。呢支07年德甲冠軍目前排喺聯賽榜包尾，唔想40年來首嘗降班滋味，嚟緊比賽真係要全力爭勝，今晚迎戰狀態飄忽嘅雲達不來梅就有機會攞3分，肯定主動搶攻，不過史特加防守差勁，今場投注1.72倍入球大最好路。

（有線61、64、201及203、廣東體育周日晚11:30直播）

搶分護級有前冇後
老牌球隊史特加目前以23分排包尾，雖然榜尾幾支球隊分數相差唔遠，但史特加近11場聯賽只係贏得1場咁大把，形勢真係唔多樂觀。儘管備受壓力嘅教練史提芬斯最近仍獲得總經理杜特力撐，帥位暫時仲保得住，不過佢亦唔搏唔得，轉玩進攻後近3場聯賽入4球算過得去，但後防就失咗8球咁多，貪勝不知輸下今場繼續有前無後，想唔開大都幾難。

力爭歐霸入場券
另邊廂嘅雲達不來梅，依家正要為爭入下屆歐霸盃入場券而戰，一對箭頭戴菲沙爾基同迪山度今季演出令人刮目相看，不過佢哋未來就會分道揚鑣，戴菲沙爾基已落實下季轉投RB萊比錫，不過迪山度就即將同不來梅續約，無論如何呢對今季喺聯賽入18球嘅組合都會珍惜呢段極度成功嘅合作關係，今場對住不設防嘅史特加防線，梗係要盡情爭取入波啦！

頂占筍盤：史特加（入球大）