昆士柏流浪「士」氣佳

昆士柏流浪「士」氣佳 
 
英超上演護級大戰，阿士東維拉喺主場肉搏昆士柏流浪未見勝算，因為維拉係喺成個聯賽當中入球能力最弱嘅球隊，平均一場入唔到一球，而且目前傷兵多，昆流受讓平手、半球下盤有數「維」。（周二19，now621台周三2:45am直播）
阿士東維拉改由舒活執教之後，雖然喺英超贏過西布朗同埋新特蘭，另外又喺足總盃晉級，不過整體表現其實未見好轉，近兩仗又先後負史雲斯同埋曼聯，加上31場聯賽過後只係入得20球，攻力係全個英超最弱，讓波點買得過？

昆流剛戰贏波反底

昆士柏流浪表現亦差，但上周意外大炒西布朗4:1反底，球員嘅信心同埋士氣點都會加分，加上三大射手包括查理柯士甸、伊度亞度華加斯同埋森莫亞都分別取得「士哥」，幾位傷兵好似利萊費亞、艾真度科連同埋利萊費亞亦已經唞咗一段日子，其實對排陣部署冇乜影響，今仗受讓有計。
睇埋往績，阿士東維拉近6次對住昆士柏流浪只係取得1勝3和2負成績，完全冇任何甜頭可言，首循環交手亦要輸0:2，今晚學人讓平手、半球只不過係主場效應，梗係要昆流下盤穩陣啦！