歐霸盃聯賽階段展開，首日9場賽事中，焦點係ＡＣ米蘭主場迎戰賓菲加。A米開季2勝2和，主帥魯賓艾摩廉來自葡超，對住賓菲加肯定有計；不過賓菲加都唔嘢少，佢哋攻力強勁，今屆6場歐霸盃5次開3球或以上，今場隨時大駁火，2.5球入球大屬不二之選。 （Now 638周四凌晨3時直播）文:邪神 柏夫利迪斯腳風極順 魯賓艾摩廉鍾意擺3中堅陣式，雖然喺曼聯唔work，但嚟到A米似乎效果唔錯，意甲開季2連勝打起士氣，近兩場作客先後賽和祖雲達斯同拉素，三箭頭其中兩人干卡路拉莫斯同艾法祖施斯順利「開齋」，歐霸盃首仗主場出擊，肯定全力搶攻，何況艾帥以往執教葡超時多次同賓菲加交手，熟晒波路，要入波唔難。