飛燕諾鐵桶陣細抗巴塞_東方日報

今晚歐聯早場上演西荷對決，巴塞隆拿主場迎戰飛燕諾。巴塞西甲開季4連勝，連場大炒對手氣勢如虹，不過今場盤口實在太辣，主隊讓3球、大細中位數4.5球，上盤同大盤風險唔細，飛燕諾肯定會擺鐵桶陣加強防守，佢哋近9場8次開4球或以下，一於轉玩4.5球嘅入球細。（Now 638周四凌晨零時45分直播）文:邪神

巴塞喺西甲連場大勝，拉芬夏比洛尼、拉明耶馬、費明盧比斯連場數胡；不過4場勝仗當中，有兩場贏3球或以下，套落今場讓3球嘅盤口係1走1輸，至於入球大細，巴塞有兩場淨勝5比0，今場入球大細中位數4.5球開得太盡，唔建議入手。

中位數4.5球頂得住
再睇飛燕諾，佢哋首席射手上田綺世剛離隊，攻力下降，不過防線仍有渡邊剛坐鎮，防守紀律唔會太差，何況飛燕諾主帥雲邦賀斯係巴塞名宿，知道對手咩料，絕唔會傻到鬥攻，歐聯第1場就大敗咁洩氣，加上佢哋近9場8次開4球或以下，捱捱吓就完場，4.5球入球細好路。