羅奇代爾殺出重「維」 英甲頭4位都塵埃落定咁滯，換言之得番2個附加賽席位可以爭吓，而第5位去到第11位只爭5分，換言之餘下賽事一定非常激烈，其中羅奇代爾好有機會喺今晚贏番場，一嚟佢哋只係對住冇慾冇求嘅維爾港，二嚟佢哋今季嘅和波場數少得離譜，踢咗39場英甲只係和咗5場咁大把，即係一係就贏、一係就直情輸埋，既然唔怕佢哋和波，咁就可以放膽捉實主勝。（周一29，香港時間周一10:00pm開賽） 而喺咁多隊有份爭附加賽席位嘅球隊當中，以車士打菲特嘅近況最得人驚，近8戰贏足6場，而最恐怖嘅就係一對中場謝爾奧沙同埋森姆克魯卡斯喺呢段關鍵時刻同時上力，主場出擊開到「讓主」。（周一22，香港時間周一10:00pm開賽）