首回合以穩行先 費倫巴治半場和合里_東方日報

周三凌晨上演多場歐聯附加賽首回合，同大家研究費倫巴治主場對里昂。費倫巴治由第二圈外圍賽起步，近兩仗主場都贏波，主場氣勢強勁；里昂來自法甲，「卡士」高於土超，足以抵銷作客不利因素，再睇兩隊近5次交手全開半場和，今場只係首回合，捧半場和非常合理。（Now 638周三凌晨3時直播）文:邪神

土超今夏成為轉會市場主角，獲多位球星加盟，費倫巴治簽入格連活特、尼敦阿基同盧卡古，加埋隊中原有嘅馬高阿辛斯奧同古安杜斯，星味三級跳，攻守實力亦肯定增強，不過簽咁多大牌都要時間夾，未必咁快有嘢睇；該隊新帥土炮教頭伊斯美卡圖剛接手球隊，同隊員仍在磨合階段，更加會以穩行先，特別係上半場，近4場3次開半場和，可見半場和亦係佢哋嘅戰術安排。

里昂撻着謀定而後動
里昂由第3圈外圍賽起步，上圈首回合作客布拉格斯巴達，半場領先之下反輸1比2，到次回合返主場即大勝3比0，晉級過程有驚無險，球隊踢完呢兩場亦進入狀態，祖雲達斯借將前鋒奧賓達適應需時，中場核心哥倫天杜利素瞻前顧後，預計今場會非常忙碌，而且今場作客，相信唔介意半場和住先。