今晚英超熱刺要作客般尼，由於爭前四嘅下屆歐聯入場券空前激烈，形勢唔樂觀嘅七哥熱刺今仗非勝不可，好彩陣中有狀態大勇、今季喺各項賽事加埋已累積三十個士哥嘅前鋒哈利卡尼壓陣，無論為球會抑或英格蘭國家隊都屢建奇功，佢腳風真係順到冇朋友，況且對手只係依家排緊尾三嘅般尼，「哈利仔」近況弗到漏油，般尼點擋得住呀？現時熱刺個客W有2倍，分頭唔錯非常值博。 復活節假期足運蓬勃 其實喺復活節假期，香港足運依然好活躍，無論係小型球定發財盃，以及唔同年齡梯隊嘅青年軍都有比賽，連車路士香港足球學校，亦遠赴歐洲與各地同齡小將較技，藉此機會吸取寶貴經驗，Peter認為只要政府同足總加把勁，香港足球絕對係有得搞。