赫根回復信心 AIK瑞超重開後弗爆_東方日報

瑞典超前列大戰，赫根主場迎戰AIK蘇納。赫根上輪贏波重回正軌，AIK蘇納就剛取得3連勝，兩隊實力旗鼓相當，加上大家係爭取歐洲賽資格對手，碰頭肯定冇留手，翻查紀錄，兩隊近5次交手，4次開4球或以上，預料今場都係開入球騷，3.5球入球大放心捧。（HOY TV 76周二凌晨1時直播）文:渡邊年

AIK瑞超重開後弗爆
2022年瑞典超冠軍赫根沉咗三季之後，今季本來有個好開始，開咧10戰不敗，勢頭唔錯，可惜因世盃抖咗一排，聯賽重開之後竟然連吞兩場敗仗，分別輸3比4畀奧基迪，同2比4畀佐加頓斯，連續2場失4球。不過好彩球隊有一定攻力，上場及時止血，作客以2比0擊敗咸史達斯，回復信心。

AIK蘇納喺聯賽情況，就啱啱同赫根相反，球隊頭10場只得3勝3和4負排中游，但聯賽重開表現大勇，連贏哥登堡、米贊比及加爾斯，取得聯賽3連勝，而且每場都入到對手2球，6個入波全部來自唔同球員，個個都攻得，令對手防不勝防。

未計周日成績，兩隊分別排聯賽第4及第6位，同樣有力挑戰下季歐洲賽席位，今場互撼肯定冇留手，而且兩軍對賽向來飛沙劈石，近5次交手有4次開4球或以上，入球大必捧。「同場過關」亦有好路數，「半場總入球多於[1.5球] & 全場總入球多於[3.5球] & 全場開出總角球多於[12.5球]」有8.25倍玩得過。