華歷簡奴平盤除「巴」

華歷簡奴平盤除「巴」

今晚聯賽重開，但老實講值得睇同玩兩手嘅冇幾場，不過西甲呢場伊巴對華歷簡奴，都有多少落注價值；排名上，華歷簡奴僅比伊巴高幾位，不過華歷簡奴其實已有35分在手，絕對冇太大護級壓力，伊巴連敗多場僅比護級線多3分，道理上戰意十足，不過兩軍近況相距太大，相信華歷簡奴都希望借贏弱旅及早上岸，呢場平手盤捧客隊有啲坐和望贏感覺。（周五40，香港時間周六2:45am開賽）

伊巴對上9場輸8場，聯賽已10場不勝，咁嘅戰績點解仲未包尾，全因為佢哋季初真係開得好，頭13戰只輸5場，所以好多人都有個錯覺，就係呢隊伊巴好似有啲能力。但事實係，筆者睇過晒今季全部西甲球隊發揮，伊巴隊波唔係冇合作性，但整體質素的確麻麻，極其量只有西乙上游水準，而咁啱今季西甲真係有幾隊連西乙都不如，當中科爾多瓦及利雲特呢兩隊，除咗人腳差之外，隊內氣氛亦非常有問題，可以講以伊巴現時實力，能夠穩贏嘅就只有對呢兩隊波，道理上其餘17隊面對伊巴，都絕對有能力全取3分。

華歷簡奴搶分上岸

華歷簡奴唔經唔覺又就嚟上岸，因為佢哋已經比尾3嘅位置多咗10分，就算餘下嘅賽事唔識贏，和兩三場都隨時夠分，不過作為球員，梗係早啲上岸，早啲放假好啦！呢場對伊巴嘅賽事，肯定係佢哋季尾咁多其中一場最易踢嘅聯賽，唔搶分等幾時。
事實上，華歷簡奴近6場聯賽4勝，射手貝爾奴唔知食錯咩藥，呢6場波狂轟9球，當中更有場大四喜，C朗今季都試過入4球呀！所以話呢隊華歷簡奴狀態真係好到一絕，平手盤買強啲一方，幾時都係咁着數。